05
ақпан
2025
"Жаңа мектепке-жаңашыл ұстаз"
5-ақпан күні мектебімізде «Жаңа мектепке – жаңашыл ұстаз» жас педагогтердің VІІ Республикалық байқауының мектепішілік кезеңі болып өтті. 
Мақсаты: 1.Жас педагогтердің әлеуметтік мәртебесін және шығармашылық әлеуетін арттыру;
2.Инновациялық белсенділіктерін дамыту;
3.Кәсіби шеберліктерін әрі қарай жетілдіруіне жағдай жасау;
Байқауға қатысушы педагогтер үш тапсырма бойынша тәжірибелерімен бөлісті.
І тапсырма- «Жаңа мектепке- жаңашыл ұстаз» тақырыбында жазып келген эсселерін оқыды.
ІІ тапсырма- «Шығармашылық жолдың бастамасы» әр қатысушы өзін-өзі таныстырды.
ІІІ тапсырма- «Ашық сабақ» өткізілген бейнесабақтарын 5 минут аралығында қорғады.
Әділқазылар алқасы қатысушыларды арнайы ұсынылған бағалау критерийлері бойынша бағалап, нәтижесінде жүлделі ІІІ орынды дене шынықтыру пәні мұғалімі Мейрамғали Мирас, ІІ орынды ағылшын тілі пәні мұғалімі Мәдениетова Мөлдір, жүлделі І орынды география пәні мұғалімі Рахымбаева Өміргүл иеленді. Байқаудың аудандық кезеңіне Рахымбаева Өміргүл ұсынылды.
Өміргүл Нұржанқызына аудандық кезеңде сәттілік тілейміз!