21
мамыр
2025
"Бала шақтан болашаққа" атты 4 "А" сыныбының бастауышпен қоштасу мерекелік шарасы болып өтті.
Бала шақтан болашаққа...
Мектебімізде "Бала шақтан болашаққа" атты 4 "А" сыныбының бастауышпен қоштасу мерекелік шарасы болып өтті.Мақсаты: Білімнің сара жолы бастауыштан басталатынын, бастауышта алған білім-білімнің негізі болып қаланатынына көз жеткізу, бастауыш сыныбымен, алғаш қолына қалам ұстатқан алғашқы ұстазымен қоштаса отырып, сәт-сапар тілеу, білім берер ордасы-мектепті, ұстаздарды құрметтеп, білімге деген құштарлығын арттыру. Өз Отанының адал ұрпағы болуға тәрбиелеу. Шараның басы сынып жетекшісінің кіріспе сөзінен басталып, оқушылардың әнімен жалғасын тапты. 
"Мектебім", "Ұстазыма", "Бастауышпен қоштасатын кез келді" атты әндерін шырқады. 
Орта буынға өтуге байланысты кездесетін қызықтар мен қиыншылықтар туралы "Бәрі жақсы болады" көрінісі сахналанды.
"Учат в школе" флешмобы, "Мектеп вальсі" биін билеп, мерекенің қызығын қыздыра түсті.Ата-ана, ауылымыздың ақыны Б.Жұматова "Ұстазға арнау" оқып, балаларға жарқын болашақ тілеп, шашу шашты.Ата-ана А.Жумажанова "Ұстазым" әнін шырқады. Ата-аналар оқушыларды құттықтап, баталарын берді, ұстаздарына алғыс білдірді. 
Шара соңына қарай сынып жетекшісі естелікке Абай Құнанбайұлының 180 жылдығына орай әр оқушыға "Абай қара сөздері" кітапшасын тарту етті. 
Шара аяқталған соң, арман-тілектері жазылған "Тілек шамы" әуешарын аспанға ұшырды. Бастауышты аяқтап, орта буынға қадам басқан оқушыларға білім қанаттары талмай, тек биіктерге самғасын деп тілек айтамыз!
Сынып жетекшісі Б.М.Казыбаева