06
ақпан
2025
"Жол белгілерін білеміз бе?"
"Педагог-сарапшы мұғалімдерінің онкүндігі" аясында қазақ тілі мен әдебиеті пәні мұғалімі, педагог-сарапшы Д.И.Нурахметова 5 "Б" сыныбында "Жол белгілерін білеміз бе?" тақырыбында ашық сабақ өткізді.Мақсаты: Мәтін мазмұнын түсінуге, нақты ақпаратты анықтауға бағытталған сұрақтар құрастыру, сын есімдердің тұлғалық түрлерін ажырата білу.
Сабақ барысында "Ауада сурет саламыз"психологиялық ахуал арқылы білім алушылардың көңіл -күйі көтеріліп, белсенділігі артты. Сонымен қатар "Бөлшекте, Жина", "Жүгіртпе диктант "әдістері ұйымдастырылды. Білім алушылар сабақта "өзін-өзі" бағалау арқылы парақтарына бағалап отырды.Learning Apps. org платформасы арқылы сын есімдердің түрлерін ажыратты. 
Сабақты қорытындылау үшін "Бағдаршам"әдісі арқылы кері байланыс жасалды.
Нәтижесінде оқушылар жол белгілерінің түрлерін ажыратты. Олардың маңызы мен қызметін түсінді.Тақырып бойынша сұрақтар құрастыра алды.Жол қозғалысы туралы өз ойларын жеткізді.Өзіне, өзгеге қауіпсіз жүріс-тұрыс мәдениетін қалыптастырудың маңызын түсінді.